Safe Journeys for all I-Kiribati.

Recent Updates

• Jun 02

  Katanoata Kaitiakan Aroka ake a eweka nanon te kawai(Ba...

  Katanoata
  
  Kaitiakan Aroka ake a eweka nanon te kawai(Bairiki Lagoon Side)
  Kam kauringaki ikai taan bwaibwai ao taan maeka iaon Bairiki ami ibuobuoki ao n taratara raoi ibukin karaoan te makuri ni kaitiaki nakon aroka ake a eweka nanon te kawai. Karaoan te
  makuri ena moa man te aoa 0900hrs -1730hrs.
  
  Kam a taiaoka n kataia n tarai ma mwamwanangami ibukin te makuri n kaitiaki n ami aono kain te itera Maeao te lagoon side.(Feeder Road)
  
  Ibukin tein te kawai ao ena bon tiku n aron kabonganakina ibukin te rinnako ao te otinako.
  
  Kam bati n rabwa.
• Jun 02

  Katanoata. Nakoimi ni kabane taan kabongana kawain te b...

  Katanoata.
  
  Nakoimi ni kabane taan kabongana kawain te botanaomata, taan kabuti bao ni mwamwananga, bitineti ao ai bon ngaira ni kabane kain Tarawa teinaninao ma Betio.Te bubuti te ikarekebai ao te ibuobuoki ibukin tararuakin maurira, bwa tina mano n tainako ao n totokoi reken kanganga inanon ara tai n kabongana kawain te botanaomata.
  Kam a butiaki ikai te botanaomata ami ikarekebai ao ami boutoka ibukin mauriia te botanaomata n irekereke ma kanoan te katanoata aei.
  
  1. Te tei (park) i Bairiki tuuta ni kawai(feeder road)-lagoon side
  Kam a butiaki taan uoti bao ni mwamwananga, taan bwaibwai ao bitineti n aki tuuki ke n tei(park) n kawai n rinnako nakon auti n maeka, bitineti ao taabo n makuri ake ana kona n kabonganaki iroun te botanaomata. Taiaoka n karekea ke n kaotinakoa am bao ni mwamwananga, n aki tei inanon te tuuta ni kawai(feeder road) ke kawai ake e tomai uoua ke teniua n kawai (Junction road) ibukin totokoan reken kanganga ao teimatoan kabonganakina n akea te tutuki iai.
  
  2.Te tei iaon taabo n nakonako( Parking on Footpaths)
  Kabonganakin taabo n nakonako ibukin te tei n bao ni mwamwananga,e karika otinakoia te botanaomata moarara riki ataei ao kaara ke aomata aika iai toaraia, n nakonako inanon kawain bao ni mwamwananga- te tabo n nakonako bon tii ibukia taan nakonako,ataei ao ai mwauku.
  
  3. kateakin Titoa/Mwakete aika uakaan nakon te kawai.
  Kam a kauringaki taan mwakete, bitineti, kateitei aika boou n irii n tainako kainibaire ibukin kamanoan ao tararuan mwaken te kawai are teimatoa n kawakinaki (road reserve), ibukin manga katamaroan te kawai n taai aika ana roko.kateitei aika a rangi n kaan nakon mwaken te kawai, ena kona n roota manoia te botanaomata man butin bao ni mwamwananga ,ao te katamaroa nakon kawain te botanaomata.
  
  4. Katean bao ni mwamwananga aika bubura inanon te kawai.
  Kam a butiaki taan bwaibwai ao bitineti ami boutoka ibukin ami bao ni mwamwananga aika a teimatoa n tiku n tei inanon kawain te botanaomata, n kamwaing mai inanon te kawai bwa ena mano ao n akea te tutuki nako iai ibukin totokoan kanganga inanon kawain te botanaomata.
  
  Tia ikarekebai ao n kaai n ibuobuoki ibukin maurira inanon te kawai:
  • Tia tei n tainako n taabo aika mano ao aika katauaki te tei iai.
  • Keep roads and footpaths clear.
  • Tia katei ara bao ni mwamwananga n te aro ae ena aki tuuka kawaia taan nakonako,kaara,mauku ao ataei.
  • Kawakinan mwaken te kawai ao iran nanon kaetieti.
  • Ribooti nakon aobitin KLTA ibukin te ibuobuoki n totokoa reken kanganga inanon kawain te botanaomata.
  
  Kam bati n rabwa.
  Te Mauri, Te Raoi ao te Tabomoa.
• May 29

  Katanoata man te KLTA Kamwa butiaki nte katanoata aio t...

  Katanoata man te KLTA
  
  Kamwa butiaki nte katanoata aio te botanaomata ni boutokakin tararuan taian sign boards akana a kateaki irarikin te kawai, te tuta ni kawai..ao ni bon taabo ni kabane ake a tia ni kateaki iai bwa ana aki uruaki. Bon ibukin kateimatoan maurira ni kaineti ma rikiraken mwaitin bao ni mwamwananga inanon te kawai.
  
  Kam rabwa.
• May 13

  Kauring man te KLTA Nakoimi aomata nako iaon Tarawa e t...

  Kauring man te KLTA
  
  Nakoimi aomata nako iaon Tarawa e tabeka bwanana KLTA n kauring ngkami ibukin ami ibuobuoki iaon tararuan taian curbs (oon te kawai). Ngkana iai ae kam ataia bwa e urua oon te kawai n akean ana karaiaia te Authority ao kam kaungaki ikai bwa kam kona n riboti nakon aobitin te ikotaki n bureitiman ake kam uakaan ma ngaia ke n bon karoko n aobitin te KLTA n riboti bwa ena iai te tuua ae na reke nakoina.
  
  Section 8 (3)(c) Public Highway Protection Act 2018
  
  Kam bati rabwa
• May 12

  Katanoata man KLTA Ngkami ake kam kakabongana te kawai...

  Katanoata man KLTA
  
  Ngkami ake kam kakabongana te kawai are man te reirei are Bikenibeu West feeder road e kamatata ikai KLTA bwa te kawai are te rinnako man KGV & EBS ena bon ti kona n kabonganaki ti ibukin te rinnako (entry). Ao ibukin te otinako ke te (exit) ena karaoaki n te kawai n ribuki nakon te MELAD. Ibukin te kawai are man te court ao te I-mart anne ena bon teimatoa n tiku n arona ao n kona n kabonganaki irouia aomata ibukin te rin ao te otinako
  
  Kam rabwa